Карло Анчелотти «Реал Мадрид» ҳимоясидаги муаммолар ҳақида гапирди.

«Начо жуда ишончли ҳаракат қилади, бунга шубҳа йўқ. У «Валенсия»га қарши яхши ўйнади ва жамоага кўп ёрдам бера олишини исботлади.

Биз олтита гол ўтказиб юбордик ва улардан бештаси эҳтиёткорсизлик туфайли содир бўлди. Имкон қадар объектив бўлиш ва ҳамма нарсани иложи борича содда қилиш керак. Футболда ҳимояланиш энг оддий нарса.

Тобиас таркибда ва жамоага ёрдам бера олади, Карвахаль ва Лукас Васкес эса йўқ, Одриосола жароҳатидан тузалмоқда», деди «Реал» бош мураббийи.

Эслатиб ўтамиз, «Реал Мадрид» Испания кубоги 1/8 финалида «Вильярреал» билан ўйнайди.