23 август куни Махачқалъанинг "Анжи" клуби Голландиянинг "АЗ" клуби билан Европа лигасининг 4-саралаш босқичи доирасида "Черкизово" стадионида баҳс олиб боради. Шу муносабат билан "Анжи" мухлислари клуби стадион эгаси - "Локо" клуби мухлисларига мурожаат қилдилар.
"Ҳурматли "Локомотив" клуби мухлис ва мухлисалари! Биз ўз жамоангизни жуда ҳам қаттиқ ва ажойиб равишда қўллаб-қувватлашингизни биламиз. Афсуски, бу мавсум "Локомотив" еврокубокларда иштирок этмаяпти. Шунга қарамай "Черкизово" стадиони Еврокубок мусобақаларисиз қолмайди. Сизнинг стадионингиз "Анжи" клубининг Евролига ўйинларини қабул қилишдай шарафли ишга сазовор бўлмоқда, яқинда жамоа Голландиянинг "АЗ" клубини қабул қилади.
Шу муносабат билан 23 август куни 23:00да "темирйўлчилар"нинг барча мухлис ва мухлисаларини ўз уйларида Россия клуби бўлган "Анжи"нинг "АЗ" клуби билан бўлиб ўтадиган учрашувида қўллаб-қувватлашларини сўраймиз.
Бутун Европага Россия ҳалқининг бирдамлигини кўрсатиб қўяйлик! Жамоангизга Еврокубокларда тезроқ қатнашиши ва ғалабаларинини тилаб, "Анжи" ФК мухлислари", - дейилади "Анжи" мухлислар сайтида.
"Локомотив" мухлислари эса кеча бошқача тарзда мурожаатнома ёзган эдилар.
