"Вулверхэмптон" ҳужумчиси Гонсалу Гедеш "Бенфика"га ўтди.
"Бенфика" "Барселона" қизиқиш билдираётган 26 ёшли футболчини ижарага олиш бўйича келишиб олди.
Инсайдер Маттео Мореттонинг сўзларига кўра, футболчи аллақачон Португалияга йўл олган. Шартнома июнь ойигача мўлжалланган, унда қайтариб сотиб олиш имконияти йўқ.
Эслатиб ўтамиз, аввалроқ испан ОАВлари "Барселона" устози Хави Эрнандес "Атлетико"га ўтишга қарор қилган Мемфис Депай ўрнига Гедешни жамоага олиб келиш ниятида эканлиги ҳақида хабар берган эди.
Премьер-лиганинг жорий мавсумида португалиялик футболчи 13 ўйинида футболчи битта гол урди ва битта голли узатмани амалга оширди.
