"Манчестер Сити" бош мураббийи Хосеп Гвардиола жамоа мухлислари ҳақида гапирди. Испаниялик мутахассис жамоанинг мухлислар томонидан қўллаб-қувватланмаётганидан норози.
“Мухлислар 45 дақиқа сукут сақлашди. Улар бизни жамоа ёмон ўйнагани учун эмас, мағлубиятга учраганимиз учун сўкишмоқда. Илгари бундай эмас эди. Улар бизнинг Премьер-лигадаги мунтазам ғалабаларимизга кўникиб қолган бўлса керак. Мухлисларнинг эски муносабати қайтишини истардим. Айнан ўша мухлислар стадионга келади", - дея испанияликнинг сўзларидан иқтибос келтиради Sky Sports.
Сўнгги ўйинда "Манчестер Сити" ўз майдонида "Тоттенхэм"ни 4:2 ҳисобида мағлуб этди. Гвардиола шогирдлари АПЛда пешқадам “Арсенал”дан 5 очко ортда қолиб, иккинчи ўринда бормоқда.
