"Манчестер Сити" бош мураббийи Хосеп Гвардиола жамоаси Чемпионлар Лигаси кубогини нега қўлга кирита олмаётгани ҳақидаги саволга анча ғазаб билан жавоб берди.
“Одамлар биз Чемпионлар лигасида ғалаба қозона олмаганимиз учун муваффақиятга эриша олмадик, дейишади. Бўлмаган гап! Биз жуда кўп ғалаба қозондик. Биз Англияда кетма-кет иккита чемпионликни қўлга киритдик ва доимий равишда юқори савияда ўйнадик, энг кучли "Ливерпуль" билан рақобатлашдик", - дея Гвардиоланинг сўзларини келтиради Goal.com.
"Манчестер Сити"нинг Чемпионлар лигасидаги энг яхши натижаси 2021 йилги финал бўлиб қолмоқда. Хосеп Гвардиола шогирдлари кубок учун кечган ҳал қилувчи баҳсда “Челси”га 0:1 ҳисобида имкониятни бой беришган эди.
