«Арсенал» «Специя» ҳимоячиси Якуб Кивиорнинг трансфери борасида тўлиқ келишиб олди, дея хабар беради журналист Фабрицио Романо.

Манбага кўра, инглиз клуби 22 ёшли польяк учун турли бонусларни ҳисобга олмаганда 20 миллион евро тўлайди. Transfermarkt портали ҳимоячини 8 миллион еврога баҳоламоқда.

Олдинроқ Кивиорга Дортмунднинг «Боруссия» клуби ҳам қизиқиш билдираётгани, Польша терма жамоаси футболчиси учун 22 миллион евро таклиф қилгани хабар қилинганди.

Жорий мавсумда ҳимоячи «Специя» таркибида 20 та ўйин ўтказиб, гол уролмади. «Арсенал» айни дам АПЛ турнир жадвалида 18-турдан кейин 47 очко билан пешқадамлик қилмоқда.

«Канонирлар» энг яқин таъқибчиси «Манчестер Сити»дан 5 очко олдинда, лондонликларда битта ўйин кўпроқ.