Мадриднинг "Реал" клуби ҳужумчиси Родриго Гоэс "Вильярреал"га (3:2) Испания кубоги 1/8 финалининг 56-дақиқасида уни алмаштирган бош мураббий Карло Анчелотти билан қўл бериб кўришмади. Бу ҳақда Marca нашри хабар бермоқда.
Манба берган хабарга кўра, 22 ёшли бразилиялик футболчи Анчелоттини жуда ҳурмат қилади ва омадсиз ўйиндан сўнг кайфияти тушиб кетгани учунгина қўл бериб кўришмаган. Родриго ёмон ўйин учун ўзидан жаҳли чиқди, шунинг учун у бош мураббий билан қўл бериб кўришишни унутди.
"Реал" Родриго майдонни тарк этганидан сўнг дарҳол ўйинни ўзгартирди: Винисиус 57-дақиқада гол урди, ундан кейин Эдер Милитао ва Дани Себальослар гол киритишди. Бунгача Мадрид клуби 0:2 ҳисобида мағлуб бўлаётганди ва Испания кубогидан чиқиб кетиш хавфи остида қолганди.
