Кеча "Локомотив" билан профессионал шартнома имзолаган Лазизбек Мирзаев ўз фикрларини билдириб ўтди.

"Аввало барчага хайрли кеч. Шартномани узайтиришдан мақсад - жамоага ёрдам бериш, катта тажриба олиш. Қанча майдонда ҳаракат қилсам ҳам фақатгина фойда келтириш.

- "Локомотив"даги асосий мақсадингиз нимадан иборат?

- Асосийси - "Локомотив"нинг Суперлигага қайтишида катта хизмат кўрсатиш. Жамоада ўз ўрнимга эга бўлишни, "Локомотив" таркибида топ-жамоаларга қарши курашишни истайман.

- Ўтган мавсум сиз U-21 чемпионатида ҳам, Суперлигада ҳам майдонга тушдингиз. Лигалар ўртасидаги фарқ қандай?

- Суперлигада топ даражадаги футболчилар ўйнайди. Улар билан катта тажриба тўплаш мумкин. Катта футболчилар ҳар томонлама ёшларга ёрдам беради. Аммо тезлик бобида U-21 чемпионати ҳам Суперлигадан қолишмайди.