Жума куни Леандро Троссард, кутилганидек, "Брайтон"дан "Арсенал"га ўтди. Ярим ҳимоячи Адам Лаллана Троссарднинг жамоадан кетиши мумкинлиги ҳақида фикр билдирди. Лаллана буни муаммо сифатида кўрмаслигини айтиб, "Брайтон"нинг сўнгги пайтларда Троссардсиз эришган муваффақиятларини қайд этди.

Журналист Чарли Хаффенден ижтимоий тармоқларда Леандро Троссард ва Адам Лаллана ўртасида можаро бўлганини маълум қилди. Белгияликнинг нопрофессионал хатти-ҳаракати инглизга ёқмаган.

Аввалроқ, "Брайтон" бош мураббийи Роберто де Зерби футболчи машғулотларни эрта тарк этгани учун Леандро Троссарни жамоадан четлатганди.