Мадриднинг «Атлетико» клуби бош мураббийи Диего Симеоне голландиялик ҳужумчи Мемфис Депайнинг трансфери ҳақида гапирди.

«Депай клубимизга катта иштиёқ билан келди. У ўзининг энг яхши формасига қайтишни хоҳлайди. Ишончим комилки, биз унинг «Лион»даги намунали ўйинини бу ерда ҳам кўрамиз. У ерда Мемфис юқори савияни кўрсатди.

Умид қиламанки, у «Атлетико»да яхши ўйнайди. Депай менга бироз Диего Костани эслатади. У ҳужумда ҳам, ҳужумчи ортида ҳам ҳаракат қила олади», - дея мураббийнинг сўзларини келтиради  Marca нашри.

Маълумот учун, Депайнинг трансфери «матрасчилар»га уч миллион еврога тушди. Унинг клуб билан шартномаси 2025 йилгача мўлжалланган.