"Арсенал" устози Микель Артета нидерландиялик мутахассис Эрик тен Хагнинг "Манчестер Юнайтед"даги фаолияти ҳақида ўз фикри билан ўртоқлашди.
"Тен Хагнинг иши мени ҳайратда қолдирди. У қисқа вақт ичида "манкунианликлар"нинг ўйинини ўзгартирди. У амалга оширган аниқ режаси бор ва футболчилар унга амал қилишмоқда. Мен унинг мураббийлар штабининг меҳнатини қадрламоқчиман", - деди испаниялик мутахассис "канонирлар" матбуот хизматига.
"Арсенал"нинг "Манчестер Юнайтед"га қарши ўйини 22 январь куни бўлиб ўтади. Учрашув Лондондаги "Эмирейтс" стадионида Тошкент вақти билан соат 21:30да бошланади.
