Het Nieuwsblad хабарига кўра, «Рейнжерс» «Стандард Льеж»нинг 21 ёшли ярим ҳимоячиси Николас Раскин билан шахсий келишувга эришган.
Энди «Рейнжерс» ва «Стандард» трансфер нархи бўйича келишиб олишлари керак, шундан сўнг катта эҳтимол билан бельгиялик расман Шотландия чемпионатига ўтади.
Эслатиб ўтамиз, ўтган йилнинг ёзида Москванинг «Локомотив» клуби ёш спортчи хизматларига қизиқиш билдираётгани ҳақида хабар берилганди. Бунинг устига қишки мавсум бошидаёқ Раскинга Каталониянинг «Барселона» клуби ҳам қизиқиш билдиргани ҳақида маълумотлар пайдо бўлган эди.
Эслатиб ўтамиз, 2018 йилда Николас Раскин Бельгия ёшлар терма жамоаси таркибида Англияда бўлиб ўтган ёшлар ўртасидаги Европа чемпионатида иштирок этди.
