Мексиканинг "Пумас" клуби Дани Алвеш билан шартномани бекор қилганини малум қилди.
Қарор бразилиялик футболчи бир кун аввал ҳибсга олинганидан кейин қабул қилинган. 23 ёшли қиз Алвешни Барселона тунги клубида зўрлашда айбламоқда.
Мексика клуби президенти Леопольдо Сильва футболчи билан шартнома бекор қилингани ҳақида баёнот берди.
"Клубимиз ўйинчиларимизни майдонда ҳам, ундан ташқарида ҳам ҳурмат, ҳалоллик ва қадр-қимматини ҳимоя қилади, чунки улар жамиятда, Мексикада ва дунёнинг бошқа жойларида намунадир.
Биз бир кишининг хатти-ҳаракати мамлакатимизда ёш спортчиларни тайёрлаш ва ривожлантиришда доимо намуна бўлиб келган фалсафамизга зарар етказишига йўл қўя олмаймиз", — деди Сильва.
