Хабарингиз бор, «Тоттенхэм» ҳужумчиси Харри Кейннинг «Манчестер Юнайтед»га ўтиши мумкинлиги ҳақида маълумотлар пайдо бўлди. Томонлар тез орада музокараларни бошлашлари мумкин.
Келишув амалга ошмаган тақдирда «манкунианликлар» қолган икки ҳужумчи номзодига мурожаат қилишади. Муқобил вариантлар – Виктор Осимхен («Наполи») ва Бенжамин Шешко («РБ Зальцбург»).
Осимхен жорий мавсум Италия чемпионатида 14 та ўйинда майдонга тушиб, 12 та гол ва 3 та голли узатмани амалга оширди. Ўз навбатида Шешко Австрия чемпионатининг 16 ўйинида бешта гол урди ва битта самарали узатмани амалга оширди.
