"Барселона" клубининг собиқ бош мураббийи Хосеп Гвардиоланинг агенти Хосе Мария Оробитг ўз мижозининг Бразилия термасини бошқариши мумкинлиги ҳақидаги хабарларга аниқлик киритди.
"Бразилия футбол конфдерацияси вакиллари мен билан алоқа чиққанлари йўқ. Пеп менга ҳеч ким билан музокара олиб бормасликни сўраган. У оиласи, хотини ва мактабга қатнаётган фарзандлари билан Нью-Йоркда яшамоқда. У ҳаётидан мамнун.
Келажак тўғрисида гапириш мушкул. Аммо мен Пеп Бразилия ёки бошқа биронта терма жамоани бошқаради, деб ўйламайман. Унга клуб футболи ёқади, айниқса Европа клуби", - дея Гвардиоланинг сўзларини келтиради Бразилия матбуоти.