Мадриднинг "Атлетико" клуби ҳужумчиси Мемфис Депай пойтахт клубига ўтиши олдидан содир бўлган воқеалар ҳақида гапирди.
"Бу ерга келишдан олдин Гризманн билан гаплашдим, у менга клуб ҳақида кўп яхши нарсаларни айтди. Бу кутилмаган бўлмади. Келганимда мен кутган ҳамма нарсани кўрдим. Мени яхши кутиб олишди, бу жуда ёқимли эди. Ҳаммаси жуда қулай, стадион ажойиб, мухлислар билан танишиш учун ўйинда қатнашишни жуда хоҳлайман”, — деди Депай Marca билан суҳбатда.
Мемфис Депай шу йилнинг 20 январь куни “Барселона”дан “Атлетико”га ўтган эди.
Айни дамда "матрасчилар" Испания чемпионатида тўртинчи ўринида бормоқда.
