"Манчестер Юнайтед" ярим ҳимоячи Алехандро Гарначо билан шартномани узайтирмоқчи.
Mirror хабарига кўра, клуб 18 ёшли футболчига 8 йиллик шартнома таклиф қилган. Аммо аргентиналикнинг оиласи ва яқинлари 4 йилдан ортиқ шартнома имзолашни исташмаяпти, деб ҳисобланмоқда. Шунингдек, айни дамда иш ҳақи масаласи туфайли музокаралар тўхтаб қолган.
Бундан ташқари, "Манчестер Юнайтед" ўз тарихида биринчи марта шартномага товон пули бандини киритиш ниятида.
Аввалроқ, ярим ҳимоячини "Реал" ва "Ювентус" кузатаётгани хабар қилинганди.
Англиянинг Гарначо клуби билан амалдаги шартномаси 2024 йилнинг ёзига қадар мўлжалланган. Жорий мавсумда у "Манчестер Юнайтед" сафида барча турнирларда 19 та ўйинда майдонга тушиб, 3 та гол урди ва 6 та голли узатмани амалга оширди.
Transfermarkt порталига кўра, футболчининг нархи 5 миллион еврони ташкил қилади.
