"Брайтон" бош мураббийи Роберто Де Зерби клуб ярим ҳимоячи Мойсес Кайседони сотилишини ёзги трансфер ойнасигача қолдира олишига умид билдирди.
“Кайседо биз учун жуда муҳим футболчи. Умид қиламанки, у мавсумни биз билан якунлайди, аммо бунга ишонч ҳосил қилиш ҳар доим қийин.
Энг яхши ечим у мавсумни биз билан якунлаши. Ёзда жамоани ўзгартирса, у учун яхшироқ бўлади", - дея Де Зербидан иқтибос келтирмоқда TalkSport.
Эквадорлик футболчи жорий мавсумда инглиз клуби сафида 20 та ўйинда майдонга тушиб, 1 та гол урди ва битта голли узатмани амалга оширди.
"Челси", "Ливерпуль" ва "Ньюкасл" Кайседога даъвогарлар саналади.
