Бугун Украина премьер-лигасида 6-тур ўйинларига старт берилди. Ушбу турни очиб берган ўйин эса Киевнинг "Арсенал" ҳамда Мариупольнинг "Ильичевец" жамоалари ўртасида кечди. Ҳамюртимиз Максим Шацких айнан "Арсенал" шарафини ҳимоя қилаётганидан хабарингиз бор.

Учрашувнинг 11-дақиқасида айнан Шацких чиройли голи билан ўйиндаги ҳисобни очди ва "Арсенал"ни ҳисобда олдинга олиб чиқди.

Биринчи бўлим ўрталарида меҳмонлар ҳисобни тенглаштиришнинг уддасидан чиқдилар.

Иккинчи бўлим якунланиб бораётган бир пайтда "Арсенал" иккинчи голини ҳам киритиб ўйинни ўз фойдасига ҳал қилишнинг уддасидан чиқди.

Максим Шацких ушбу ўйинда тўлиқ 90 дақиқа ҳаракат қилганини таъкидлаш лозим.

Арсенал - Ильичевец 2:1

Голлар: Шацких, 11, Гоменюк, 87 - Окриашвили, 26

Арсенал: Боровик, Леандро, Матуку, Симоненко, Полевой, Валяев (Шахов, 46), Старгородский, Ковпак (Кобахидзе, 66), Шацких, Адийя, Гоменюк

Ильичевец: Худжамов, Бутко, Ищенко, Чижов, Путивцев, Виценец, Гречишкин, Кожанов, Кравченко (Федотов, 72), Таграмадзе (Ярошенко, 90+2), Окриашвили (Мандзюк, 70)