"Рома" ярим ҳимоячиси Николо Дзаньоло январь ойидаги трансфер ойнаси ёпилгунига қадар расмий ўйинларда майдонга тушмайди. Бу ҳақда Il Messaggero хабар берди.
Дзаньоло ушбу учрашувда майдонга тушмаслигига қарамай, "Специя"га қарши ўйин олдидан жамоа билан машғулот ўтказди. Жозе Моуриньо ва клуб бу ҳолат у кетгунча ёки январдаги трансфер ойнаси ёпилмагунча шундай бўлишига қарор қилишди. Натижада у 29 январ куни "Рома"нинг "Наполи"га қарши ўйинини ҳам ўтказиб юборади.
Италиялик футболчига Англия Премьер-лигасининг "Тоттенхэм", "Вест Хэм", "Ньюкасл Юнайтед", "Брайтон" ва "Лидс" клублари қизиқиш билдирмоқда.
