Миллионлардек бўл чаққон,
Тўхтаб қолмагин бир он,
Сени кутар Бразилия,
Олға бос, Ўзбекистон!

Арабларни қилгин лол,
Корейсларга ургин гол,
Ишлатмасдан ғирром, фол,
Олға бос, Ўзбекистон!

Легионерлар югурсин,
Ҳимояга улгурсин,
Бирмас, ўнта гол урсин,
Олға бос, Ўзбекистон!

Қосимовдан ўгитлар,
Чарчамасин йигитлар,
Чекинмагин халқ кутар,
Олға бос, Ўзбекистон!

Тактикалар билволиб,
Кубокларда бўл ғолиб,
Халқ айтар ҳар кун нолиб:
Олға бос, Ўзбекистон!

Давлатларни айланиб,
Ғолибликка сайланиб,
Мухлислар қонин қайнатиб,
Олға бос, Ўзбекистон!

Эрон, Корея, Қатар,
Олдинда кутар хатар,
Ғолиб бўлиб бу сафар,
Олға бос, Ўзбекистон!

Гулистон шаҳридан “AbdulazizMU” номли ник эгаси Абдулазиз Султонов