Испания чемпионатининг 18-туридан ўрин олган ўйинда "Барселона" "Хетафе"ни минимал ҳисобда мағлуб этди. Учрашувдаги ягона голни Педри киритди.
Каталония суперклубининг иқтидорли ярим ҳимоячиси ўйиндан сўнг жонли эфирда "Барселона" мухлисларини ғалаба билан табриклаб, ўйин натижалари ҳақида фикр билдирди.
"Салом, мухлислар! Ғалаба қозонганимиздан, гол урганимиздан, чемпионатда пешқадамликни давом эттираётганимиздан хурсандмиз" - деди Педри клуб матбуот хизматига.
Кейинги турда "Барселона" сафарда "Жирона" билан ўйнайди, ушбу ўйин 28 январь куни бўлиб ўтади.
