"Манчестер Юнайтед" ҳимоячиси Лисандро Мартинес АПЛда "қизил иблислар" таркибида гол урган еттинчи аргентиналик футболчига айланди.
Аввалроқ, "Манчестер Юнайтед"да яна олти нафар аргентиналик ажралиб туришган: Карлос Тевес, Хуан Себастьян Верон, Анхел ди Мария, Маркос Рохо, Габриэл Хайнце ва Алехандро Гарначо.
Opta статистик портали маълумотига кўра, аргентиналик футболчилар "манкунианликлар" сафида Англиянинг бошқа клубларига қараганда кўпроқ гол уришган.
Эслатиб ўтамиз, Мартинес иккинчи бўлимда "Арсенал" дарвозасини ишғол қилиб, ҳисобни тенглаштирганди - 2:2. Бироқ "канонирлар"нинг меҳмонлар дарвозаси томон амалга оширган сўнгги ҳужуми ўз самарасини берди ва мезбонлар энг муҳим ғалабани қўлга киритишди – 3:2.
