Mundo Deportivo хабарига кўра, "Реал Сосьедад" ярим ҳимоячиси Мартин Субименди "Барселона" таклифини рад этди.
Аввалроқ ОАВда Каталония клуби Серхио Бускетс ўрнига 23 ёшли ярим ҳимоячини сотиб олмоқчилиги ҳақида маълумотлар пайдо бўлганди.
Манбанинг хабарига кўра, футболчи фаолиятини Испания чемпионатидан ташқарида давом эттирмоқчи.
Шунингдек, "Арсенал" испаниялик футболчи учун 60 миллион евро таклиф қилгани, бироқ футболчи трансфердан бош тортгани хабар қилинганди. Футболчи мавсумни испан клубида якунлаш ниятида.
Субименди "Реал Соседад" тарбияланувчиси ҳисобланади. Жорий мавсумда у жамоа сафида барча мусобақаларда 27 та ўйинда майдонга тушиб, 1 та гол урди ва 3 та голли узатмани амалга оширди.
Transfermarkt порталига кўра, футболчининг нархи 40 миллион еврога баҳоланмоқда.