"Барселона" бош мураббийи Хави ярим ҳимоячи Франк Кессиеэни Испания жамоасида қолишини айтди.
"Мен унинг жамоани тарк этиш вариантини ҳеч қачон ўйламаганман. Менга Кессиэ ёқади. Бу жамоа учун муҳим ўйинчи", — дея Хави сўзларини келтиради Marca.
Жорий мавсумда Кессиэ “Барселона” сафида барча мусобақаларда 18 та ўйинда майдонга тушиб, 2 та гол урди ва 2 та голли узатмани амалга оширди. Унинг шартномаси 2026 йилнинг ёзига қадар мўлжалланган.
Transfermarkt портали 26 ёшли футболчининг нархини 35 миллион еврога баҳоламоқда.
