Беларуслик спортчи Надежда Остапчук Лондон оимпиадасининг ядро улоқтириш баҳсида олтин медалини қўлга киритганди. Аммо допинг туфайли у дисквалификация учради ва олтин медаллардан маҳрум қилинди.
Натижада янги зеландилик Валери Адамс чемпион деб эълон қилинган бўлса, россиялик Евгения Колодкога кумуш медаль топшириладиган бўлди. Хитойлик Гун Лиузяо эса "бронза"лик бўлиб олди.
Беларуслик спортчи қонида метенолон моддаси топилган. Беларусь миллий олимпия қўмитасига олтин медални тезроқ қайтариш бўйича талабнома юборилди. Мусобақада Остапчук ядрони рақибаларидан ярим метр узоқликка отиб, шахсий рекордини ўрнатганди.













