"Реал" ҳимоячиси Начо Фернандес "қироллик клуби" раҳбариятидан хафа бўлди.
Diario AS хабарига кўра, испаниялик футболчи жамоа унга хиёнат қилган деб ҳисобламоқда.
Хафагарчиликка "қаймоқранглилар"нинг йил давомида эркин агент сифатида икки нафар марказий ҳимоячи - Антонио Рюдигер ва Давид Алаба билан шартнома имзолагани сабаб бўлган. "Қироллик клуби"да 11 йилдан ортиқ ўйнаган Начо жамоадаги муҳим ўрни билан тақдирланишини кутган, аммо раҳбарият бошқача йўл тутишга қарор қилган.
Начонинг "Реал" билан амалдаги шартномаси мавсум охирида якунига етади. Футболчи жамоа билан шартномасини узайтирадими ёки йўқми, бу бошқа муҳим масала.
