Лондон Олимпиадасида қатнашган польшалик виндсерфингчи София Носети-Клепака бронза медалини ким ошди савдосига қўймоқчи.
София медаль сотувидан тушган маблағни қўшни қизалоққа бериш ниятида. Гап шундаки, беш ёшли Жужа исмли бу қизча сурункали цистик фиброз хасталигига чалинган. Шу пайтгача бешта операцияни бошидан ўтказган, муолажаларни давом эттиришга эса оиласининг қурби етмайди.
Маҳаллий ОАВнинг ёзишича, 26 ёшли София январдаёқ қўшнисига Олимпиадада медаль ютиш ва уни сотишга ваъда берган. Одатда Халқаро олимпия қўмитаси медалларни сотишга қарши чиқади, бироқ бу вазиятда София учун ҳеч қандай монелик йўқ.