Туриннинг "Ювентус" клуби "Милан" устидан 3:2 ҳисобида ғалаба қозониб, Луижи Берлускони совринини қўлга киритди.

Ўйиннинг 12-дақиқасига келиб томонлар бир-бирларини биттадан гол билан "сийлаб" бўлишган эди. Робиньонинг тўққизинчи дақиқадаги аниқ зарбасига "Кекса Синьора" Маркизонинг голи билан жавоб қайтарди.

42-дақиқада Видаль турин жамоасини ҳисобда олинга олиб чиқди, шу сабабли Италия чемпиони танаффусга бир гол устунлиги билан йўл олди.

64-дақиқада Матрининг голи ўйиндаги интригани дафн этди, бироқ ўйинги сўнгида "Ювентус" ҳимоя чизиғидаги хато пенальтига сабаб бўлди ва уни Робиньо аниқ амалга ошириб, дубль расмийлаштирди.

БЕРЛУСКОНИ КУБОГИ

МИЛАН – ЮВЕНТУС 2:3 (1:2)
Голлар: Робиньо, 9 (1:0); Маркизио, 12 (1:1); Видаль, 42 (1:2); Матри, 64 (1:3); Робиньо, 77 (2:3, пен).
Огоҳлантиришлар: Йепес, 65 – Видаль, 13; Мази, 77.