Олимпиаданинг икки карра бронза медали совриндори, икки карра жаҳон чемпиони Ришод Собиров ўзининг вазн тоифасини ўзгартиришга қарор қилди. Энди у 66 кг.гача бўлган курашчилар билан татамига чиқади. Хабарингиз бор, шу кунгача Ришод дзюдонинг энг енгил вазни — 60 кг.гача курашчилар билан олишиб келаётганди.
Энди Собиров янги вазн тоифасида рейтинг очколарини жамғариши лозим. Унинг биринчи халқаро мусобақаси Японияда ўтказиладиган йирик хотира турнири бўлади.
Ришод Собиров 2016 йили Рио-де-Жанейрода ўтадиган олимпия ўйинларида олтин медалларини қўлга киритишни мақсал қилган. Унда иштирок этиш ҳуқуқини қўлга киритиш учун дзюдочи рейтингда 22 нафар спортчи орасига кириши керак.