Усмон Дембеленинг «Барселона» билан амалдаги шартномаси 2023/2024 йилги мавсум охиригача амал қилади.
Шунга қарамай, каталонияликлар яқин келажакда франциялик футболчи билан янги меҳнат шартномаси имзолашни кутмоқда.
Испаниянинг Sport нашри хабарига кўра, «кўк-анорранглилар» музокараларга тайёргарлик кўрмоқда ва уларни қишки трансфер ойнаси ёпилгандан кейин бошлайди.
«Камп Ноу»да раҳбарият музокаралар муаммосиз ўтишига ишонч билдирмоқда, чунки Дембеле аввалроқ «Барселона»да ўйнашни давом эттириш истаги ҳақида гапирган эди.
«Барселона»нинг Усмон Дембеле билан яқин орадаги музокаралари «ПСЖ»га тўсқинлик қилиши мумкин - чунки 25 ёшли вингерга Лига 1 гиганти қизиқиш билдирмоқда.
