"Барселона" ҳужумчиси Лионель Месси Испания чемпионатининг 1-турида "Реал Сосьедад" устидан қозонилган ғалабадан (5:1) сўнг жамоанинг мақсадлари ҳақида сўзлаб берди.
"Биз ушбу мавсумда барча совринларни ютиб олмоқчимиз. Бизда ғолиблар менталитети бор. Биламан, бу жуда қийин бўлади, аммо биз ҳаракат қиламиз.
Биз аввалгидек ўзимизга ишонамиз. Ўйинга келсак, бизнинг ўйин фалсафамиз ўзгармаган. Тўпни бериб қўймасликка уринамиз. Бугун буни намойиш қилдик.
Вильянинг қайтганидан хурсандман. Ўтган мавсумда унинг ўрни жуда билинган эди, ахир у жуда кўп гол урадиган ўйинчи", - дея Мессининг сўзларини келтиради El Mundo Deportivo.
