Мадриднинг “Реал” клуби вингери Родриго Гоэс Испания Кубоги чорак финалида “Атлетико”га қарши ўйиннинг 79-дақиқасида гол уриб, ўзига хос статистикани қайд этди.
Бразилиялик футболчи "Қироллик клуби" сафида урган 27 голидан 12 тасини ўйинларнинг сўнгги 15 дақиқасида киритган, бу унинг урган голларининг 44,4 фоизини ташкил этади. Бу ҳақда Opta Sport портали хабар бермоқда.
22 ёшли Родриго 2019 йилдан бери "Реал" сафида ўйнайди. Илгари футболчи Бразилиянинг "Сантос" клуби шарафини ҳимоя қилган. Родриго Мадрид клуби сафида жами 134 та ўйин ўтказиб, 27 та гол урди ва 27 та голли узатмани амалга оширди.
