"Атлетико" ҳужумчиси Альваро Мората кеча Испания кубоги чорак финалида "Реал"га қарши сафар учрашувида ҳисобни очди. Бироқ қўшимча бўлимларда 1:3 ҳисобида мағлуб бўлган “матрасчилар” турнирдан чиқиб кетишди.
Мората рақиб дарвозасини ишғол этганидан кейин орқасидаги фамилиясининг биринчи икки ҳарфини қўли билан ёпди ва охирига "Рата" сўзи тушди. Бу испан тилида каламуш деган маънони англатади.
Эслатиб ўтамиз, Мората "Реал" тарбияланувчиси ҳисобланади ва ўз вақтида "Қироллик клуби" сафида 95 та ўйинда 31 та гол урган. "Қаймоқранглилар" таркибида Альваро икки марта Чемпионлар лигаси ғолибига айланди.
