"Реал Сосьедад"га қарши ўйинда 2012 йилдаги биринчи голини урган "Барселона" ҳужумчиси Давид Вилья Испания терма жамоаси сафида Евро-2012 да иштирок этишига тўсқинлик қилган жароҳати ҳақида фикр билдирди.
"Бу мен учун жуда қийин давр бўлди ва майдонга қайтганимдан жуда хурсандман. Мен бу жароҳатимни унутдим. Беш ҳафтадирки, чекловларсиз машғулотда иштирок этяпман ва кўпроқ ўйин амалиётига эга бўлиш учун аста-секин жисмоний ҳолатимни яхшилаб боряпман. Тўлиқ куч билан ўйнай олишим учун қаттиқ ишлашда давом этаман", - дейди Вилья.