«ПСЖ» Малком борасида ҳали «Зенит» билан боғланмади.
Спорт-Экспресс хабарига кўра, айни дамда парижликлар вакиллари 25 ёшли бразилияликнинг эҳтимолий трансфери борасида «Зенит» раҳбариятига мурожаат қилишмаган. Франция ва Россия чемпионлари ўртасида ҳеч қачон алоқалар бўлмаган.
Эслатиб ўтамиз, аввалроқ «ПСЖ» маслаҳатчиси Луиш Кампуш «Зенит» билан музокараларни давом эттириши ҳақида хабар берилганди ва Париж клуби ҳужумчи Райан Шеркининг трансфери бўйича «Лион» билан музокаралар олиб боришдаги муваффақиятсиз уринишдан сўнг, бразилиялик номзодга қайтди, деган миш-мишлар тарқалди.
Ўтган ёзда Малком «Зенит» билан 2027 йилнинг июнигача янги шартнома имзолаган эди.
