Янги жамоасидаги биринчи ўйинида юз фоизли имкониятда гол ура олмаган Лондоннинг "Арсенал" клуби ҳужумчиси Оливье Жиру ўзини "МЮ"га йўл олган Робин ван Персининг ўринбосари деб ҳисоблашни истамайди.
"Мен бу вазиятда гол урганимда, бу "Арсенал"даги фаолиятимни ақл бовар қилмас равишда бошлаган бўлар эдим. Аммо мен бундан ҳаяжонга тушганим йўқ. "Монпелье"да ҳам биринчи ўйинимда гол ура олмаган эдим. Мен албатта "Арсенал" учун биринчи голимни ураман.
Мен "Арсенал"га Ван Персининг ўрнини босиш учун келганим йўқ. У ўтган масумда "Арсенал"да ёрқин ўйин кўрсатди. Мен "Арсенал" ўйинларига қандайдир янги, ўзимнинг қарашларимни олиб кирмоқчиман", - дейди француз футболчиси.