«Бавария» «Тоттенхэм» ҳужумчиси Харри Кейнни сотиб олиш имкониятлари ҳақида оптимистик фикрда.
Bild журналисти Кристиан Фалькнинг ёзишича, Мюнхен клуби раҳбарлари Кейн билан шартнома имзоланиши мумкинлиги ҳақида бир қанча оптимистик сигналларни кўришмоқда.
Биринчидан, у ҳали клуб билан янги шартнома имзолагани йўқ. Ҳозиргиси 2024 йилнинг ёзига қадар ҳисобланган.
Иккинчидан, «Бавария» «шпорлар» 29 ёшли футболчини АПЛнинг бошқа клубига сотмоқчи эмаслигини эшитган. Учинчидан, ҳужумчига немис клубида совринларни ютиш «Тоттенхэм»га қараганда анча осон бўлади.
Маълумот учун, Кейн жорий мавсум инглизлар сафида барча турнирларда 29 та ўйинда майдонга тушиб, 18 та гол урди ва 3 та голга ассистентлик қилди.
