2015 йил октябрь ойида “Эвертон”га қарши ўйиндан сўнг бош мураббий Брендан Рожерс истеъфога чиқарилганида “Ливерпуль” бутунлай ўзгарди ва бошқа йўлни танлади. Кўп ўтмай, клуб Юрген Клопп билан шартнома имзолади ва қолганлари тарихга айланди.
Sky Sports студиясида бўлиб ўтган ўйиндан сўнг, Тьерри Анри ўйинни "яхшироқ" деб атади, лекин "энди катта жамоа эмас" деди, бу эса ўша пайтда клуб стандартлари қанчалик паст бўлганини кўрсатади. Суҳбатда Клоппнинг тайинланишини қўллаб-қувватлаган Жейми Каррагер ва Грем Сунесс ҳам иштирок этди.
Қизиғи шундаки, ўшанда Клоппнинг бўлажак футболчиларидан фақат биттаси Рожерс қўл остила ўйнаган. Лекин улар қаерда эди? Биз ҳозир шуларни эслаймиз.
Алиссон
"Ливерпуль"нинг биринчи рақамли дарвозабони Бразилиянинг "Интернасьонал" жамоасида бўлган ва яқин орада "Рома"га ўтишга тайёрланаётган эди. Италия клуби унинг учун "қизиллар"дан 62,5 миллион евро олган.
Трент Александр-Арнольд
У "Ливерпуль"нинг иккинчи жамоасида ўйнаган ва ҳали биринчисига кўтарилмаган эди.
Жоэль Матип
"Шальке 04"да ўйнаган. У "Ливерпуль"га эркин агент сифатида ўтди.
Виржил ван Дейк
Шотландиянинг "Селтик" клубидан "Саутгемптон"га кўчиб ўтганди. "Авлиёлар" уни мерсисайдликларга сотиб юбориш орқали 84,65 миллион евро ишлаб олишди.
Эндрю Робертсон
"Халл Сити"даги иккинчи мавсумини ўтказаётган эди. Кейинроқ у 9 миллион еврога "Ливерпуль"га ўтди.
Жордан Хендерсон
Ўшанда "Ливерпуль"да бўлган ягона футболчи. 2011 йилда "Сандерленд"дан 18 миллион евро эвазига жамоа сафига ўтган.
Фабиньо
"Монако"да ўйнаган. Клуб уни 45 миллион еврога сотиб олган.
Тиаго Алькантара
Ўша даврда у "Бавария" футболчиси бўлга5. Клопп жамоасига 22 миллион евро эвазига келиб қўшилган.
Садио Мане
Рожерсни ишдан бўшатишдан бир кун олдин у ўзининг "Саутгемптон" жамоасига "Челси"ни 3:1 ҳисобида мағлуб этишга ёрдам берди. Мане учун "қизиллар" 41,2 миллион евро сарфлашди.
Диогу Жота
У Португалия чемпионатининг ўртамиёна "Пасуш де Феррейра" клубининг етакчиси эди. Кейинроқ “Вулверхэмптон” уни 44,7 миллион евро эвазига “Ливерпуль”га сотди.
Муҳаммад Салоҳ
Ўша мавсум Салоҳ "Рома"га ўтганди. Кейинчалик 42 миллион евро эвазига "қизиллар" футболчисига айланган.
