2015 yil oktyabr oyida “Everton”ga qarshi o‘yindan so‘ng bosh murabbiy Brendan Rojers iste’foga chiqarilganida “Liverpul” butunlay o‘zgardi va boshqa yo‘lni tanladi. Ko‘p o‘tmay, klub Yurgen Klopp bilan shartnoma imzoladi va qolganlari tarixga aylandi.
Sky Sports studiyasida bo‘lib o‘tgan o‘yindan so‘ng, Tyerri Anri o‘yinni "yaxshiroq" deb atadi, lekin "endi katta jamoa emas" dedi, bu esa o‘sha paytda klub standartlari qanchalik past bo‘lganini ko‘rsatadi. Suhbatda Kloppning tayinlanishini qo‘llab-quvvatlagan Jeymi Karrager va Grem Suness ham ishtirok etdi.
Qizig‘i shundaki, o‘shanda Kloppning bo‘lajak futbolchilaridan faqat bittasi Rojers qo‘l ostila o‘ynagan. Lekin ular qayerda edi? Biz hozir shularni eslaymiz.
Alisson
"Liverpul"ning birinchi raqamli darvozaboni Braziliyaning "Internasyonal" jamoasida bo‘lgan va yaqin orada "Roma"ga o‘tishga tayyorlanayotgan edi. Italiya klubi uning uchun "qizillar"dan 62,5 million yevro olgan.
Trent Aleksandr-Arnold
U "Liverpul"ning ikkinchi jamoasida o‘ynagan va hali birinchisiga ko‘tarilmagan edi.
Joel Matip
"Shalke 04"da o‘ynagan. U "Liverpul"ga erkin agent sifatida o‘tdi.
Virjil van Deyk
Shotlandiyaning "Seltik" klubidan "Sautgempton"ga ko‘chib o‘tgandi. "Avliyolar" uni mersisaydliklarga sotib yuborish orqali 84,65 million yevro ishlab olishdi.
Endryu Robertson
"Xall Siti"dagi ikkinchi mavsumini o‘tkazayotgan edi. Keyinroq u 9 million yevroga "Liverpul"ga o‘tdi.
Jordan Xenderson
O‘shanda "Liverpul"da bo‘lgan yagona futbolchi. 2011 yilda "Sanderlend"dan 18 million yevro evaziga jamoa safiga o‘tgan.
Fabinyo
"Monako"da o‘ynagan. Klub uni 45 million yevroga sotib olgan.
Tiago Alkantara
O‘sha davrda u "Bavariya" futbolchisi bo‘lga5. Klopp jamoasiga 22 million yevro evaziga kelib qo‘shilgan.
Sadio Mane
Rojersni ishdan bo‘shatishdan bir kun oldin u o‘zining "Sautgempton" jamoasiga "Chelsi"ni 3:1 hisobida mag‘lub etishga yordam berdi. Mane uchun "qizillar" 41,2 million yevro sarflashdi.
Diogu Jota
U Portugaliya chempionatining o‘rtamiyona "Pasush de Ferreyra" klubining yetakchisi edi. Keyinroq “Vulverxempton” uni 44,7 million yevro evaziga “Liverpul”ga sotdi.
Muhammad Saloh
O‘sha mavsum Saloh "Roma"ga o‘tgandi. Keyinchalik 42 million yevro evaziga "qizillar" futbolchisiga aylangan.
