"Вильярреал" ҳужумчиси Николас Жексон "Борнмут"га трансферини якунлаш учун тиббий кўрикдан ўта олмади, дея хабар беради инсайдер Фабрицио Романо.
Манбага кўра, тиббий текширувлар керакли натижани бермаган. 21 ёшли футболчи 10 февралга куни жароҳатидан сўнг қайтиши кутилганди, аммо "Борнмут" шифокорлари унинг 10 мартгача тайёр бўлмаслигига ишонишади.
Шу тариқа Жексон “Вильярреал”га қайтади.
Сенегаллик футболчи 2019 йилнинг июлидан буён испан клубида тўп сурмоқда. 2022/23 йилги мавсумда ҳужумчи 24 учрашувда 3 та гол урди ва 3 та голли узатмани амалга оширди.
Transfermarkt.com портали футболчининг нархини 15 миллион еврога баҳоламоқда.
