"Брайтон" қишки трансфер ойнасида ярим ҳимоячиси Моисес Кайседони сотишни истамаяпти. Футболчининг оммавий баёнотлари раҳбариятнинг 21 ёшли эквадорлик футболчини жамоада сақлаб қолиш ниятига таъсир қилмади.
Журналист Саймон Стоуннинг сўзларига кўра, "чайкалар" Кайседога ҳақиқатан ҳам катта пул таклиф қилинган тақдирдагина ўз фикрини ўзгартириши мумкин. Аввалроқ, клуб ўз футболчисини 80 миллион евродан ортиқ баҳолаган эди. Футболчига Лондоннинг икки жамоаси - "Арсенал" ва "Челси" даъвогарлик қилмоқда.
“Челси”нинг ҳозирги устози Грем Поттер бир вақтлар эквадорлик футболчига “Брайтон”нинг асосий жамоасига киришга ёрдам берган.
