"Ювентус" бош мураббийи Массимилиано Аллегри Англиянинг "Лидс" клубига ўтишга яқин турган америкалик ярим ҳимоячи Уэстон Маккенни ҳақида фикр билдирди.
“Маккенни эртага ўйнамайди, чунки у музокаралар марказида. Ўйлашимча, клуб унинг янги жамоаси билан келишиб бўлган, шунинг учун у эртага ўйнамайди", - деди Аллегри "Ювентус" матбуот хизматига.
Олдинроқ “Лидс” Маккенни сотиб олиш опцияси билан 25 миллион еврога ижарага олишни режалаштираётгани ҳақида хабар берилганди. Футболчи инглиз клубига ўтишга рози бўлди.
А Сериянинг жорий мавсумида Маккенни "Ювентус" таркибида 15 та учрашув ўтказиб, битта гол урди ва битта голли узатмани амалга оширди.
Эртага, 29 январь куни "Ювентус" "Монца" билан учрашади. Ўйин Тошкент вақти билан соат 19:00да бошланади.