Шанба куни “Барселона” “Жирона” устидан ғалаба қозониб (1:0), ўз ҳисобига навбатдаги уч очкони ёздириб қўйди, аммо Усмон Дембелени бой берди. 25 ёшли вингерни биринчи бўлимдаёқ алмаштиришга тўғри келди, футболчи оғриқни ҳис қилди. Финал ҳуштаги чалинганидан кейин Дембеленинг жароҳати ҳақида Каталония жамоаси бош мураббийи Хави изоҳ берди.
"Менимча, бу жароҳат. Дембеле ниманидир ҳис қилди, менимча бу жароҳат бўлса керак. Гап мушаклар билан боғлиқ муаммо ҳақида кетмоқда", - деди Хави Marca билан суҳбатда.
Испания чемпионатининг навбатдаги учрашувини “Барселона” 2 февраль куни сафарда “Бетис”га қарши ўтказади.
