Shanba kuni “Barselona” “Jirona” ustidan g‘alaba qozonib (1:0), o‘z hisobiga navbatdagi uch ochkoni yozdirib qo‘ydi, ammo Usmon Dembeleni boy berdi. 25 yoshli vingerni birinchi bo‘limdayoq almashtirishga to‘g‘ri keldi, futbolchi og‘riqni his qildi. Final hushtagi chalinganidan keyin Dembelening jarohati haqida Kataloniya jamoasi bosh murabbiyi Xavi izoh berdi.

"Menimcha, bu jarohat. Dembele nimanidir his qildi, menimcha bu jarohat bo‘lsa kerak. Gap mushaklar bilan bog‘liq muammo haqida ketmoqda", - dedi Xavi Marca bilan suhbatda.

Ispaniya chempionatining navbatdagi uchrashuvini “Barselona” 2 fevral kuni safarda “Betis”ga qarshi o‘tkazadi.