Пол Скоулз майдонда энг кўп қаршиликка учраган учта футболчини номлади. «Манчестер Юнайтед» собиқ ярим ҳимоячиси Робби Сэвидж, Патрик Виейра ва Буба Диопга ишора қилди.

«Менга майдон марказида ўйнаш ёқарди, кимнидир ўзимга яқин тута олишим ва шерикларимга хотиржамлик билан пас беришга умид қилгандим.

Аммо Робби Сэвиджга қарши ўйнасангиз, барча маҳоратингиз ишламай қолади. Сиз у билан хотиржам ўйнай олмайсиз.

Патрик Виейра билан ҳам осон бўлмаган. Ҳа, сизда тўп назорати бўлади, лекин бир зумда Патрикни илғамай қоласиз ва тўпни олдирасиз - ниҳоятда ақлли ўйинчи.

Хўш, Буба Диоп - уни камдан-кам эслашади, лекин у ҳақиқий «Шкаф». Мен унга қарши муваффақиятли ўйнаш учун жисмонан кўп куч сарфладим, ҳа, уни Виейра билан таққослаб бўлмайди, аммо Диопнинг кучли томонлари кўп эди», деди Скоулз.