Кеча тонг саҳарда Қозоғистоннинг Жамбул вилояти, Жамбул туманида автоҳалокат туфайли Афина-2004 олимпиадаси чемпиони Бахтиёр Артаевнинг ота-онаси оламдан ўтган.
Автоҳалокат Олма-ота - Тошкент трассасининг 544-километрида Ниссан автомашинасида содир бўлган. Машина бошқарувида бўлган 52 ёшли Карипулла Артаев ва 46 ёшли Тумаркул Жексенбиева олган жароҳати туфайли 1-сонли шаҳар касалхонасининг жонлантириш бўлимида оламдан ўтди. Машинада бўлган 2003 ва 2006 йилда таваллуд топган болалар эса Тараз шаҳридаги вилоят болалар касалхонасига ётқизилган.
Афина олимпиадасида чемпионликни қўлга киритган боксчи Бахтиёр Артаев ҳозирда Жамбул вилояти ҳокими ўринбосари лавозимида ишлаб келаяпти.