"Бавария" бошқаруви раиси Оливер Кан Бундеслиганинг 18-туридан ўрин олган "Айнтрахт"га (1:1) қарши ўйиндан сўнг мюнхенликлар ярим ҳимоячиси Серж Гнабри атрофидаги вазият ҳақида гапирди. Гнабри аввалроқ дам олиш кунлари Париж мода ҳафталигига боргани учун танқидларга учраган эди.
"Биз немис футболида узоқ вақтдан бери энг қийин даврлардан бирини бошдан кечирмоқдамиз. Жаҳон чемпионатида ҳалокатли ўйин кўрсатдик. Футболчиларга етарлича дам олиш учун вақт бердик. Энди биз муносиб ўйинларни кутамиз ва талаб қиламиз.
Ўйинчи жамоанинг энг яхши вақтни бошдан кечирмаётганини билса, у майдонга чиқиб икки ёки учта гол уриб, ўйиннинг энг яхшисига айланиши керак. Бу тўғри жавоб бўлади. Ўйлайманки, Гнабри буни тушунди ва энди биз ундан кутган ўйинларни кўрамиз", - деди Кан Sky Germany билан суҳбатда.
