"Ювентус" ярим ҳимоячиси Уэстон Маккенни "Лидс"га ўтади, дея хабар беради журналист Фабрицио Романо.
Унга кўра, футболчи Англияга тиббий кўрикдан ўтиш ва шартнома имзолаш учун келган. Романо аввалроқ америкалик футболчи "Лидс"га ҳам ижарага ўтиши ва бунинг учун 1,2 миллион евро тўлаши ҳақида хабар берган эди.
Шартнома футболчини 33 миллион евро + бонуслар эвазига сотиб олиш имкониятини ўз ичига олади. Футболчи аллақачон "Лидс" билан шахсий шартнома борасида келишиб олган, Премьер-лига клуби президенти Андреа Радризани эса шартнома имзолашга рози бўлган.
24 ёшли америкалик футболчи жорий мавсумда “Юве” сафида 21 та ўйинда майдонга тушди. Унинг ҳисобида 3 та гол ва 2 та голли узатма бор.
