Якшанба куни "Милан" яна ўз мухлисларини хафа қилди. Италия чемпионати доирасидаги “Сассуоло”га қарши ўз уйида Стефано Пиоли шогирдлари 2:5 ҳисобида аламли мағлубиятга учради.
Opta мутахассисларининг фикрича, "Милан" ХХI асрда биринчи марта А Серияда ўз уйида бешта гол ўтказиб юборди. Охирги марта "россонерилар" 1997 йилнинг 6 апрелида Италия чемпионатининг уй учрашувида шунчалик кўп ўтказиб юборган эди. Ўшанда "Милан" "Ювентус"га 1:6 ҳисобида имкониятни бой берган.
"Милан"нинг Италия чемпионатидаги навбатдаги рақиби "Интер" бўлади. 5 февраль якшанба куни А Серияда Милан дербиси бўлиб ўтади.
